امشي

امشي من المكان اللي بيقلل من راحتك. سيب الشغل اللي بيضغط على نفسيتك كل يوم. ماتقعدش مع حد يخليك تفكر مليون مرة قبل ما تقول أي كلمة. ما تمشيش من مكان هيُقال عليك كلام بعد ما تمشي منه، ما تاخدش حاجة انت مش حاببها. ما تصاحبش حد هيقلل من سلامك النفسي. ما تعملش حاجة لحد مش بيقدّر مجهودك. ما تطلبش الاهتمام كتير. فركش أي حاجة مش مريّحاك.

البس، وكل، واعمل كل اللي انت عايزه، مش اللي الناس عايزاه. اتعلّم اللي بتحبه. خد اللقب اللي يرضيك، مش اللي الناس حابة تندهك بيه. ادخل الكلية اللي انت عايزها. خد الكورس اللي هيبنيك. اتجوز اللي بتحبها، مش اللي الناس هتختارها ليك.

فركش عشر علاقات عادي، لكن المهم تعيش مع شخص بتحبه. اتساب؟ عادي. اترفضت؟ عادي. بس قوم واختار من جديد.

قدّم على شغل، اترفض؟ طوّر من نفسك وارجع تاني. ابني نفسك، وجسمك، وصحتك. اتعلم حاجات كتير، جدًا... كل ده هينفعك.

أعظم وأغنى الناس في العالم، ما اتعلموش مجال واحد بس. بادر. عافر. ابدأ من جديد بعد كل فشل.

خلي قرارك هو اللي يقودك... مش كلام الناس.

وبعد شوية... هتبص تلاقي حياتك اتغيّرت للأفضل.

ومتتكسفش تبدأ من جديد. وخلي الرفض، الفشل، الإحباط، والغ............ يكونوا نقطة تحول مش نقطة نهاية.

#ابراهيم_اسحق