آسف

أسف لسانِي قالها 99 مره ليكي بس المرادي قلبي اِللي عايز يقولها المرادي غير كل مره المرادي بعترف بغلطي وبضعفي وبعترف باِهمالي فيكي وضعيف وعايز ارجع استقوَىَ بيكي مغترب وعايز أرجع لبيتي مستني غفرانك وحنانك مستنيكي تسامحيني وبقولها بكل ضعف مستني ترجعي تحبيني وبقولك اِني ولا كاريزما وولا بكابر انا كل يوم حقيقي مستنيكي اه مستنيها واتقولولي بتستقوَىَ بيها اه بستقوَىَ بيها و مش ببالغ علي فكره بس هي تتحب ومش بعافر علي الفاضي لانها تستحق ومش شايف نفسي بس هي عرفتني قد ايه انا اتحب وهي اه مش وريد ومش بُطين أيمن ولا أيسر بس حقيقي في القلب ووسط الناس بكل الناس وسط الكل ستهم عن ضحكتها ورقتها وحنيتها قمر كدا كل يوم واقفة قدام مرايتها ولو حد مشفش حنيتها يبقى ميعرفهاش ولو حد محسش بقيمتها ييقى محضنهاش مفيش اجمل من ان هي شايفه عيوبي واحزاني وبالرغم من كل دا كانت قابلاني مفيش اجمل من ان هي استلمتني مطفي من الدنيا وعمايلها ونورت حتة جوايا وخلتني حبيتها كاِني كنت قطعة بازل ناقصة وكان فاضل بس تلات قطع مكتوب عليهم حباك قابلاك عايزاك كاِني حياتي كانت ورقة حكومية مستنية الختم وتكمل كاِني حياتي كانت نتيجة ومستنية الاعتماد كاِني حياتي كانت مجموعة خطوات ولما عرفتها كملت كاِني معاها عرفت أُدرك وأَحس وأَتعلم واتجرئ واقولها اني بَحبها واني بُحبها بقيت بحب نفسي واني من بَعدها مش طايق نفسي عارفين! انا قلبي محتاجها روحي عايزها ومش قادر استحمل فراقها وبقولك انا اسف حتى لو مش عايزها حتى لو مش حابها حتى لو مش سامعها حتى لو مش حاسها انا أسف للمره 100 حتى لو مش قابلها

#ابراهيم_اسحق ✍️ #اسف